Նա նշեց, որ մանրակրկիտ հետևում են ԱՄՆ նոր կառավարության կողմից որդեգրած քաղաքականությանը, այդ հարցում շատ զգոն են։
«Սա հիմարություն է, եթե պետք է մի քանի անգամ կրկնել նույն սխալը և ենթադրել, որ յուրաքանչյուր անգամ կարող է այլ արդյունք արձանագրվել։ Շատ լավ գիտենք, որ ամենախիստ պատժամիջոցները կիրառվել են Իրանի միջուկային և հրթիռային արդյունաբերության մեջ, սակայն մենք այդ ոլորտում լուրջ ձեռքբերումներ ենք արձանագրել»,- ասաց դիվանագետը։
Ինչ վերաբերում է Հայաստանի և ԱՄՆ-ի միջև վերջերս ստորագրված ռազմավարական համաձայնագրին, Մեհդի Սոբհանին նշեց. «Այդ փաստաթուղթն ավելի թույլ փաստաթուղթ է, քան նախկին իշխանությունների ժամանակ էր ստորագրվել։ Իհարկե, մեզ միշտ հաջողվել է Իրանի և Հայաստանի միջև հարաբերությունները ԱՄՆ կողմից կիրառվող այդ առավելագույն ճնշումների ազդեցությունից հեռու պահել։
Մեր և Հայաստանի իշխանությունների միջև փոխադարձ ըմբռնում և ընկալում կա այս հարցի շուրջ և խորապես գիտակցում ենք, որ մեր հարաբերություններն իրագործվում են ի շահ մեր երկրների և ժողովուրդների։
Հայաստան-ԱՄՆ ռազմավարական համաձայնագրի կապակացությամբ Հայաստանի իշխանությունները մեզ ասել են, որ այն դեմ չէ Հայաստան-Իրան հարաբերություններին։ Հայաստանի իշխանություններն ընդգծել են, որ չեն ձեռնարկի այնպիսի քայլ, որը կվնասի երկկողմ, կամ Իրանի շահերին»։
