Աշխարհահռչակ երգահան և դաշնակահար Տիգրան Համասյանն իր «Հազարան բլբուլ» նոր նախագծի շրջանակում այցելել էր նաև Մաշտոցյան Մատենադարան, որտեղ նրան Մատենադարանի ավագ գիտաշխատող, Հայ միջնադարյան երաժշտության ուսումնասիրման խմբի ղեկավար Արուսյակ Թամրազյանը ծանոթացրել է հայ միջնադարյան երաժշտական խազագրյալ ձեռագրերին, այնտեղ և Ավետարաններում պատկերված թռչունների խորհրդաբանությանը:
Փորձելով մերձենալ ձեռագրերի պատմությանը նրանց ստեղծման-պահպանության կենդանի ընթացքին, ֆիլմում արտացոլվում են ձեռագրերի վերականգման դրվագներ։
