Մարգարիտա Սիմոնյանը կդառնա “Ч.Т.Д.” հաղորդաշարի վարողը НТВ-ում։ «Russia Today» մեդիա խմբի և RT հեռուստաալիքի գլխավոր խմբագիր Մարգարիտա Սիմոնյանը հայտարարել է, որ դառնալու է “Ч.Т.Д.” հաղորդաշարի հաղորդավարուհին NTV հեռուստաալիքի եթերում, մինչ նրա ամուսինը՝ Տիգրան Քեոսայանը կոմայի մեջ է։ Այս մասին գում է ria.ru-ուն։
«Բարև, համաքաղաքացիներ։ Երկար տարիներ НТВ-ի եթերում լսել եք այս արտահայտությունը՝ «Բարև, համաքաղաքացիներ»՝ իմ ամուսնու՝ Տիգրան Քեոսայանից։ Երևի ձեզանից շատերը գիտեն, որ նա կոմայի մեջ է։ Եվ արդեն երկու ամիս է, ինչ սպասում ենք մեր ամուսնու, հոր, որդու վերադարձին մեր ընտանիք։ Մինչ սպասում ենք նրան, ես վարելու եմ այս հաղորդումը»,- ասաց նա։
Հունվարի սկզբին Սիմոնյանը հայտարարեց, որ ամուսինը՝ ռեժիսոր Տիգրան Քեոսայանը, կլինիկական մահ է ապրել և գտնվում է կոմայի մեջ։
Նա նշել է, որ ծրագիրը լինելու է «բոլորովին այլ»՝ նախատեսված է համընկնել Հայրենական մեծ պատերազմում հաղթանակի 80-ամյակի տոնակատարության հետ։
«Այս տարի ես կխոսեմ այն մարդկանց, մեր հերոսների մասին, ովքեր դարբնեցին այս հաղթանակը, կերտեցին այս հաղթանակի երգերը, այս հաղթանակի բանաստեղծությունները, այս հաղթանակի սխրանքները, ովքեր իսկապես, ոչ թե շքեղ խոսքերով, այլ իրականում ապահովեցին խաղաղություն ամբողջ աշխարհում, որոնք թույլ տվեցին մեզ ծնվել և ապրել»,- հավելել է մեդիա մենեջերը։
