Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել ԱՄՆ նախագահ Ջո Բայդենի հետ։ Այս մասին հայտնում է APA-ն` հղում տալով Թուրքիայի նախագահի աշխատակազմին։
Երկու երկրների ղեկավարների բանակցությունների ընթացքում քննարկվել են իսրայելական հարձակումները Գազայի վրա, Շվեդիայի անդամակցությունը ՆԱՏՕ-ին, F-16-ի հետ կապված հարցը և երկկողմ հարաբերությունները։
Էրդողանն ընդգծել է Գազայում հումանիտար աղետը կանխելու անհրաժեշտությունը և Իսրայելին հրադադար ապահովելու համար ԱՄՆ-ի անվերապահ աջակցության դադարեցումը։ Բացի այդ, Թուրքիայի նախագահը Բայդենի հետ զրույցում ասել է, որ տարածաշրջանում մշտական հրադադարի ապահովումը Միացյալ Նահանգների պատմական պարտականությունն է։
Նշենք, որ հեռախոսազրույցը կայացել է ամերիկացի առաջնորդի նախաձեռնությամբ։
