Երեկ՝ մարտի 16-ին, «Նյուքասլ»-ը հաղթեց «Լիվերպուլ»-ին և նվաճեց իր առաջին մեծ գավաթը 70 տարվա ընթացքում։
«Կաչաղակները» վերջ դրեցին տանջալի գավաթային երաշտին։ «Նյուքասլի» ավագ Բրունո Գիմարաեշն ասել է․ «70 տարի անց մենք վերջապես կրկին չեմպիոն ենք»։
1954/1955 մրցաշրջանում «Նյուքասլը» նվաճել է Անգլիայի գավաթը։ Թիմի ամենավերջին տիտղոսը 2016/2017 մրցաշրջանում Չեմպիոնշիփում հաղթանակն էր, իսկ 2006-ին կաչաղակները նվաճել են Ինտերտոտոյի գավաթը։
Սա առաջին գավաթն է, որ թիմը նվաճում է 2021-ին Սաուդյան Արաբիայի ներդրումային հիմնադրամի հայտնվելուց հետո։
Էդի Հաուն դարձավ 2008-ից ի վեր առաջին անգլիացի մարզիչը, ով նվաճեց մեծ տիտղոս՝ հաղթելով Անգլիայի առաջնության թիմի հետ:
Իսկ «Լիվերպուլի» մարզիչ Առնե Սլոթը, ով անցյալ տարի փոխարինել էր Յուրգեն Կլոպին, ստիպված է սպասել իր առաջին գավաթին: «Նույնիսկ Լիվերպուլը կարող է պարտվել»,- նշեց նա:
