Մինչև Պաղեստինի խնդիրը չլուծվի, Մերձավոր Արևելքի տարածաշրջանում կայունություն չի լինի։
Այս մասին Բաղդադում հայտարարել է Եգիպտոսի արտգործնախարար Բադր Աբդել Աթին։
Իրաքի մայրաքաղաքում նա մասնակցել է Եգիպտոսի, Իրաքի և Հորդանանի արտաքին գործերի նախարարների հանդիպմանը, որը կազմակերպվել էր Արաբական պետությունների լիգայի (ԱՊԼ) 34-րդ գագաթնաժողովի նախապատրաստման շրջանակներում:
«Առանց պաղեստինյան խնդրի լուծման տարածաշրջանում կայունություն չի լինի», — ընդգծել է Եգիպտոսի արտաքին գործերի նախարարության ղեկավարը։
Նա միջազգային հանրության համար ամոթ է անվանել այն, որ գրեթե 70 օր շարունակ ոչ մի օգնություն չի հասել Գազայի հատված:
