Ռուսական Առաջին ալիքի պատերազմի թղթակից Աննա Պրոկոֆևան մահացել է Բելգորոդի մարզում իր մասնագիտական պարտականությունները կատարելիս:
Վիրավորվել է նաև նրան ուղեկցող օպերատոր Դմիտրի Վոլկովը։ Այս մասին ՏԱՍՍ-ին հայտնել է Առաջին ալիքի մամուլի ծառայությունը։
«Իր մասնագիտական պարտականությունները կատարելիս մահացել է Առաջին ալիքի ռազմական թղթակից Աննա Պրոկոֆևան։ Դա տեղի է ունեցել Ուկրաինայի հետ սահմանին գտնվող Բելգորոդի շրջանում ականի պայթյունից: Վիրավորվել է օպերատոր Դմիտրի Վոլկովը, ով Աննայի հետ էր»,- հաղորդում է մամուլի ծառայությունը։
Նշենք, որ ավելի վաղ ռուս-ուկրաինական պատերազմի ճակատում լրագրողական գործունեություն ծավալելիս մի շարք լրագրողներ ևս մահացել ու վիրավորվել էին:
